(અરવિંદ નિર્મળ દ્વારા) અમરેલી, તા.૨૩: વિષ્‍ણુ ભગવાનના છઠ્ઠા અવતાર ગણાતા પરશુરામ ભગવાનની જન્‍મ જયંતી નિમિત્તે અમરેલીના જાણીતા પેઇન્‍ટર ડી.જી. મહેતાએ અનોખી રીતે ઉજવણી કરી હતી. ડી.જી. મહેતાએ પોતાના એકટીવા સ્‍કુટર ઉપર સ્‍વખર્ચે સુંદર અને કલાત્‍મક ડેકોરેશન કરી ભગવાન પરશુરામના કટ આઉટ મૂકી આખા અમરેલી શહેરમાં ફર્યા હતા.

શહેરના મુખ્‍ય માર્ગો પરથી પસાર થતા આ સુશોભિત એકટીવા સ્‍કુટરને જોઈ સૌ ધાર્મિક લોકોએ દર્શનનો લાભ લઈ ધન્‍યતા અનુભવી હતી. ડી.જી. મહેતાની આ ધાર્મિક ભાવના અને કલાત્‍મક પ્રસ્‍તુતિને શહેરની ધર્મપ્રેમી જનતાએ બિરદાવી હતી અને તેમની પ્રશંસા કરી હતી.