ઉપલેટાઃ છેલ્‍લા પાંચ વર્ષથી મોજ નદી ઉપરના ગોંડલ સ્‍ટેટ વખતના પુલ ને બંને સાઈડમાં એંગલ મારી તંત્ર દ્વારા મોટા વાહનો માટે રસ્‍તો બંધ કરતા એસટી અને ખાનગી ટ્રાવેલ સહિતના પેસેન્‍જર વાહનો એ મોટા શહેરોના રૂટો બંધ કરાતા અડધા ઉપલેટા ની અંદાજે ૨૫૦૦૦ની સામાન્‍ય જનતા મુશ્‍કેલીમાં મુકાઈ ગયેલ છે. ખાનગી વાહનોના ઊંચા ભાડાથી લૂંટાઈ રહી છે તે બાબતે યુવક કોંગ્રેસ દ્વારા વિશાળ હાજરી સાથે તાત્‍કાલિક નવો પુલ બનાવવાની માગણી સાથે મામલતદારને આવેદનપત્ર આપેલ છે. આવેદનપત્રમાં વધુમાં જણાવેલ છે કે જ્‍યાં સુધી પુલ નવો ન બને ત્‍યાં સુધી એસ.ટી.એ બંધ કરેલા રૂટો ફરીથી ચાલુ થાય તે માટે વૈકલ્‍પિક વ્‍યવસ્‍થા કરવાની માગણી કરેલ છે.(તસવીરઃ ભોલુ રાઠોડ-ઉપલેટા)