(વિનોદ ગાલા દ્વારા) ભુજ, તા.૩૦: કચ્‍છના માંડવી તા. ના દરશડી ગામે ૪૨ વર્ષીય જ્‍યોત્‍સનાબેન બુધાભાઈ નાયક નામની મહિલાએ ઝેરી દવા પી પોતાનું જીવન ટૂંકાવ્‍યું હતું. મૂળ વડોદરા જિલ્લાનો આ પરિવાર કચ્‍છમાં ખેત મજૂરી માટે સ્‍થાયી થયો છે. આ પરિવારની સગીર દીકરી એ ૬ મહિના પહેલા ઝેરી દવા પી આપઘાત કર્યો હતો. દીકરીની યાદમાં ગુમસુમ રહેતી માતા એ વખ ઘોળી અને પોતાનો જીવ દઈ દીધો હતો. બબ્‍બે મોતના પગલે પરિવાર વેરવિખેર થયો છે. આપઘાતના આ બનાવની તપાસ પોલીસે હાથ ધરી છે.