રાજકોટ તા. ૩: મોરબીના રંગપર ગામે રહેતાં પરિણીતાએ એસિડ પી આપઘાત કરી લેતાં પરિવારમાં અરેરાટી વ્‍યાપી ગઇ છે. આ પરિણીતાને સારવાર માટે રાજકોટ ખાનગી હોસ્‍પિટલમાં ખસેડાયેલ. પરંતુ દમ તોડી દીધો હતો. સાસરીયાના ત્રાસનો આક્ષેપ કરવામાં આવતાં તપાસ હાથ ધરવામાં આવી છે.

જાણવા મળ્‍યા મુજબ મોરબીના રંગપર ગામે શક્‍તિનગર સોસાયટીમાં રહેતાં ભક્‍તિબા રાજદિપસિંહ ઝાલા (ઉ.વ.૨૬) નામના પરિણીતાએ ગત ૩૦મીએ એસિડ પી લેતાં મોરબી સારવાર અપાવી રાજકોટ ખાનગી હોસ્‍પિટલમાં દાખલ કરાયા હતાં. પરંતુ સારવાર દરમિયાન મૃત્‍યુ થયું હતું. આ બનાવની જાણ થતાં મોરબી તાલુકા પોલીસે જરૂરી કાર્યવાહી કરી હતી. આપઘાત કરનાર ભક્‍તિબાના ભાઇ શક્‍તિસિંહે જણાવ્‍યું હતું કે બનેવીને અગાઉ પાનની દુકાન હતી. હાલ કંઇ કરતાં નથી. સાસરીયામાં ત્રાસ હોવાનો આક્ષેપ પણ તેમણે કરતાં મોરબી તાલુકા પોલીસે વધુ તપાસ હાથ ધરી છે. મૃત્‍યુ પામનારને સંતાનમાં એક દિકરો છે. (