(વિનોદ ગાલા દ્વારા)ભુજ તા.૩ :  ભુજ તાલુકાના માધાપર વિસ્તારમાં કિશોરીને લગ્નની લાલચ આપી લાંબા સમયથી જાતીય શોષણ કર્યાની ફરિયાદ માધાપર પોલીસ મથકે નોંધાઈ છે. ફરિયાદ મુજબ, માધાપરના અફઝલ રજાક મેમણ દ્વારા છેલ્લા ત્રણ વર્ષથી કિશોરીનું શારીરિક શોષણ કરવામાં આવતું હતું. ફરિયાદમાં લગ્ન કરવાની લાલચ આપીને કિશોરી સાથે શરીર સંબંધ બાંધ્યા બાદ સતત તેણીનું શોષણ કરવામાં આવ્યું હોવાના આક્ષેપ કરવામાં આવ્યા છે. બનાવ અંગે માધાપર પોલીસે ફરિયાદના આધારે પોક્સો હેઠળ ગુનો નોંધી કાયદેસરની કાર્યવાહી શરૂ કરી વધુ તપાસ હાથ ધરી છે.