(વિનુ જોશી દ્વારા)જૂનાગઢ, તા.૧૨: જૂનાગઢ ક્રાઇમ બ્રાન્‍ચે બાતમીના આધારે મોટી કાર્યવાહી કરી બિલખા પંથકમાંથી વિદેશી દારૂ ભરેલી કિયા સોનેટ કાર ઝડપી પાડી છે. બંધાળા ગામથી ઉમરાળા ગામ તરફ જતા રસ્‍તેથી કુલ ૧૧,૨૧,૩૨૮ રૂપિયાનો મુદ્દામાલ કબજે કરી એક બુટલેગરની ધરપકડ કરવામાં આવી છે. પ્રોહિબિશન ધારા હેઠળ ગુનો નોંધી વધુ તપાસ હાથ ધરાઈ છે.

જૂનાગઢ રેન્‍જના નાયબ પોલીસ મહાનિરીક્ષક રાજેન્‍દ્રસિંહ ચુડાસમા અને પોલીસ અધિક્ષક સુબોધ ઓડેદરાની સૂચનાથી દારૂ-જુગારની બદી નેસ્‍તનાબૂદ કરવા કડક કાર્યવાહીના આદેશ અપાયા છે. જે અંતર્ગત ક્રાઇમ બ્રાન્‍ચના પીઆઈ કળણાલ એમ. પટેલની ટીમ પેટ્રોલિંગમાં હતી. દરમિયાન ખાનગી બાતમીદારથી બાતમી મળી કે ઉમરાળા ગામનો રાજેશ ભુપતભાઈ કાઠી દરબાર પોતાની કાળા કલરની કિયા સોનેટ કાર નંબર GJ-10-DJ-2303માં બહારના રાજ્‍યમાંથી ભારતીય બનાવટનો વિદેશી દારૂ ભરી હેરાફેરી કરે છે.

પોલીસે વોચ ગોઠવી માણેકવાડા તરફથી આવતી કારને રોકવાનો ઈશારો કર્યો હતો. પરંતુ ચાલકે કાર રોકવાને બદલે ભગાવી મૂકી હતી. તુરંત ખાનગી વાહન આડું નાખી કાર રોકાવી તપાસ કરતા પાછળની સીટ તથા ડેકીમાંથી વિવિધ બ્રાન્‍ડની વિદેશી દારૂની પુઠાની પેટીઓ મળી આવી હતી. પેટીઓ ખોલતા તેમાંથી વિદેશી દારૂના પ્‍લાસ્‍ટિકના ચપટા નંગ-૧૯૮૬ મળ્‍યા હતા.

પોલીસે વિદેશી દારૂનો જથ્‍થો, કિયા સોનેટ કાર, મોબાઈલ ફોન મળી કુલ ૧૧,૨૧,૩૨૮ રૂપિયાનો મુદ્દામાલ કબજે કર્યો છે. આરોપી રાજેશ ઉર્ફે લાલો સ/ઓ ભુપતભાઈ નાજભાઈ વાળા ઉ.વ. ૨૬ રહે. ઉમરાળા ગામ, બાપા સીતારામના ઓટા પાછળ, તા.જી. જૂનાગઢની ધરપકડ કરી છે. જ્‍યારે તેનો સાથીદાર યુવરાજભાઈ વાળા રહે. સાંથણી ગામ, તા. આટકોટ હાલ ફરાર છે, જેને પકડવા ચક્રો ગતિમાન કર્યા છે.

આરોપી વિરુદ્ધ બિલખા પોલીસ સ્‍ટેશનમાં ગુ.ર.નં. ૧૧૨૦૩૦૦૮૨૬૦૫૫૦/૨૦૨૬ પ્રોહી ક. ૬૫એઈ, ૮૮(૨), ૮૧ મુજબ ગુનો નોંધવામાં આવ્‍યો છે.

જૂનાગઢ રેન્‍જના નાયબ પોલીસ મહાનિરીક્ષક રાજેન્‍દ્રસિંહ ચુડાસમા અને પોલીસ અધિક્ષક સુબોધ ઓડેદરાની સૂચનાથી ચાલતી આ કામગીરીમાં ક્રાઇમ બ્રાન્‍ચના પોલીસ ઇન્‍સ. કળણાલ એમ. પટેલ તથા પો. સબ ઇન્‍સ. શ્રી પી.કે. ગઢવી તથા એ.એસ.આઈ. સામતભાઈ બારીયા તથા પો.હે.કો. વનરાજસિંહ ચુડાસમા તથા પો.કોન્‍સ. જેઠાભાઈ કોડીયાતર વિગેરે પોલીસ સ્‍ટાફે સાથે રહી કામગીરી કરેલ છે. ફરાર આરોપીઓને પકડવા પોલીસે ચક્રો ગતિમાન કર્યા છે. (