(સંજય ડાંગર દ્વારા)ધ્રોલ તા.૨૨ : જોડીયા તાલુકા પંચાયતના પ્રમુખ અને ઉપપ્રમુખ પદની ચૂંટણી પ્રક્રિયા પૂર્ણ થઈ છે. જેમાં પ્રમુખ તરીકે વૈશાલીબેન મયુરભાઈ ચનિયારા અને ઉપપ્રમુખ તરીકે ચેતનભાઈ રામપરીયાની સત્તાવાર વરણી કરવામાં આવી છે. બંને હોદ્દેદારો બિનહરીફ ચૂંટાયા છે.

બંને નવનિયુક્ત પદાધિકારીઓએ તાલુકાના વિકાસ કાર્યોને વેગ આપવાની અને પ્રજાના પ્રશ્નોને પ્રાધાન્ય આપવાની નેમ વ્યક્ત કરી હતી. આ વરણીને પગલે સ્થાનિક કાર્યકરો અને આગેવાનોમાં ખુશીનો માહોલ જોવા મળ્યો હતો અને બંનેને શુભેચ્છાઓ પાઠવવામાં આવી હતી.