(મુકુંદ બદિયાણી દ્વારા) જામનગર તા.૧૪: જામનગરના જામસાહેબે હાલારી નવા વર્ષની શુભેચ્‍છા પાઠવી છે.

જામસાહેબે જણાવ્‍યુ છે કે, અષાઢી બીજ, એટલે આપણા હાલારી નવા વર્ષ માટે હું મારી પ્રજાને ખુબ શુભેચ્‍છા આપુ છું. આ સાથે મને અફસોસ છે કે, મારી નાદુસ્‍ત તબિયતને લીધે હું કોઇને મળી શકીશ નહી પરંતુ સોૈને વિનંતી છે કે મારા ઘરના આંગણે આપની ઇચ્‍છા અને અનુﾗકૂળતા મુજબ મીઠુ મોઢુ કરવા પધારજો જેનાથી મને બહુ જ આનંદ થશે કે હું અને મારી પ્રજા હજી એક જ દુનિયામાં નભી રહયા છીએ.

માતાજીને મારી પ્રાર્થના છે કે આપ સહુને સુખ શાંતિના આશીર્વાદ આપે અને મને આપ બધાની સેવાનો મોકો અને તાકાત આપે તેમ જામસાહેબે અંતમાં જણાવ્‍યુ છે