તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
જામનગર જિલ્લા ચૂંટણી અધિકારી અને કલેક્ટર પી.બી.પંડયાએ સોશિયલ મીડિયા ઇન્ફલુએન્સર્સ સાથે બેઠક યોજી
ડિજિટલ પ્લેટફોર્મના વધતા પ્રભાવને ધ્યાનમાં રાખીને યુવાનો તેમજ શહેરી મતદારો સુધી સરળતાથી પહોંચવા માટે ડીજીટલ માધ્યમથી મતદાન જાગૃતિનો સંદેશ ફેલાવવા ક્રિએટીવ કન્ટેન્ટથી યુવા અને શહેરી મતદારોને જાગૃત કરવા અપીલ
(મુકુંદ બદિયાણી દ્વારા)જામનગર, તા.૨૨: આગામી સ્થાનિક સ્વરાજ્યની સામાન્ય ચૂંટણીઓ-૨૦૨૬ અંતર્ગત જામનગર જિલ્લામાં તા.૨૬ એપ્રિલે જામનગર મહાનગરપાલિકા, સિક્કા નગરપાલિકા, જિલ્લા પંચાયત અને તાલુકા પંચાયતો માટેનું મતદાન યોજાનાર છે. મતદાન જાગૃતિ અભિયાનને વધુ અસરકારક બનાવવા જિલ્લા ચૂંટણી અધિકારી અને કલેક્ટર પી.બી.પંડ્યાએ સોશિયલ મીડિયા ઇન્ફલુએન્સર્સ સાથે વિશેષ બેઠક યોજી હતી.
ડિજિટલ પ્લેટફોર્મના વધતા પ્રભાવને ધ્યાનમાં રાખીને યુવાનો તેમજ શહેરી મતદારો સુધી સરળતાથી પહોંચવા માટે ડીજીટલ માધ્યમથી મતદાન જાગૃતિનો સંદેશ ફેલાવવા ચૂંટણી અધિકારીએ જણાવ્યું હતું. બેઠક દરમિયાન જિલ્લા ચૂંટણી અધિકારીએ ઇન્ફલુએન્સર્સને અપીલ કરી હતી કે તેઓ પોતાના સોશિયલ મીડિયા પ્લેટફોર્મ દ્વારા મતદાન અંગે સકારાત્મક અને પ્રેરણાત્મક સંદેશો પ્રસારિત કરે.
જિલ્લા ચૂંટણી અધિકારીએ જણાવ્યું હતું કે આજના યુગમાં સોશિયલ મીડિયા લોકો સુધી ઝડપથી અને અસરકારક રીતે પહોંચવાનું શક્તિશાળી માધ્યમ છે, અને તેના સકારાત્મક ઉપયોગથી મતદાન ટકાવારીમાં નોંધપાત્ર વધારો શક્ય છે. બેઠકમાં હાજર ઇન્ફલુએન્સર્સે ચૂંટણી તંત્રને પૂર્ણ સહકાર આપવાની ખાતરી વ્યક્ત કરી હતી અને મતદાન જાગૃતિ માટે સક્રિય રીતે કાર્ય કરવાની પ્રતિબદ્ધતા દર્શાવી હતી.
ઉલ્લેખનીય છે કે જિલ્લા તંત્ર દ્વારા સ્વીપ (SVEEP) એક્ટીવિટી અંતર્ગત વિવિધ નવીન ઉપાયો દ્વારા મતદાન જાગૃતિ અભિયાનને વધુ વ્યાપક બનાવવાની દિશામાં પ્રયાસો હાથ ધરવામાં આવ્યા છે.
(10:34 AM IST)
છેલ્લા 8 દિવસમાં સૌથી લોકપ્રિય 
