રાજકોટ તા. ૩: ચોટીલાના થાનમાં તરસાણા ચોકડીએ રહેતાં અને બકરા ચરાવી ગુજરાન ચલાવતાં ઇશ્વર વિરજીભાઇ જખાણીયા (ઉ.વ.૨૮)ને તેના સગા ભાઇઓ દિનેશ વિરજી અને નારૂ વિરજીએ ઢીકાપાટુનો માર મારી માથામાં કુહાડી ઝીંકી દેતાં થાન સારવાર અપાવી રાજકોટ સિવિલ હોસ્‍પિટલમાં ખસેડાતાં હોસ્‍પિટલ ચોકીના સ્‍ટાફે થાન પોલીસને જાણ કરી હતી.

ઇશ્વરના કહેવા મુજબ તેની દિકરી રમતી હતી ત્‍યારે તેણીને કાકા દિનેશ અને નારૂએ કારણવગર મારકુટ કરી લીધી હોઇ આ બાબતે પોતે ભાઇઓને સમજાવવા જતાં પોતાના પર હુમલો થયો હતો.