તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મોરબીમાં શ્રમ કાયદાઓના ઉલ્લંઘન અને શ્રમિકોના શોષણ મામલે ભારતીય મઝદુર સંઘ દ્વારા આવેદન
ભારતીય મઝદુર સંઘ મોરબી દ્વારા કલેક્ટર મારફત ગુજરાતના મુખ્યમંત્રી ભૂપેન્દ્રભાઈ પટેલ અને શ્રમ, કૌશલ્ય વિકાસ અને રોજગાર મંત્રી કુંવરજીભાઈ બાવળિયાને એક આવેદનપત્ર પાઠવવામાં આવ્યું છે. આ આવેદનમાં શ્રમ કાયદાઓની વિવિધ કલમોના ઉલ્લંઘન અને કોન્ટ્રાક્ટ (ઠેકા) શ્રમિકોના થઈ રહેલા શોષણ અંગે રજૂઆત કરવામાં આવી છે.
(પ્રવિણ વ્યાસ દ્વારા) મોરબી, તા. ૭: આવેદનપત્રમાં જણાવાયું છે કે, ગુજરાતના ઔદ્યોગિક એકમોમાં શ્રમ કાયદાઓનું સરેઆમ ઉલ્લંઘન થઈ રહ્યું છે. દેશમાં નોઈડા અને સુરતના હજીરા ખાતે બનેલી ઘટનાઓ અસંગઠિત ક્ષેત્રના શ્રમિકોની શોષણયુક્ત અને દયનીય સ્થિતિનો ચિતાર આપે છે. હાલમાં શ્રમિકો ૮ કલાકના બદલે ૧૦ થી ૧૨ કલાક કામ કરે છે, છતાં તેમને પૂરતું વેતન મળતું નથી. માલિકો પોતાની મનમાની ચલાવીને કામદારોને નોકરીમાંથી કાઢી મૂકે છે. આ ઉપરાંત, ભ્જ્, ચ્લ્ત્ઘ્, બોનસ અને ગ્રેજ્યુટી જેવા કાયદાઓનો અમલ થતો નથી અને પીવાનું પાણી તેમજ સુરક્ષા માટેના પ્રાથમિક ઉપકરણો જેવી સામાન્ય સુવિધાઓનો પણ અભાવ જોવા મળે છે. કામદારોને ઓવરટાઇમના દરની ચૂકવણી કરવામાં આવતી નથી અને અકસ્માત કે બીમારી સમયે કોઈ સુવિધા મળતી નથી.
તારીખ ૦૧-૦૪-૨૦૨૬ થી દેશ અને રાજ્યમાં નવા શ્રમ કાનૂનો અમલમાં આવ્યા છે. આ સંદર્ભે કામદારોમાં પ્રવર્તતી અજંપાભરી પરિસ્થિતિનું નિરાકરણ લાવવા નીચે મુજબની માંગણીઓ કરવામાં આવી છે.
૦૧-૦૪-૨૦૨૬ થી અમલમાં આવેલા ૪ શ્રમ કાનૂનોના જરૂરી કાયદાકીય પ્રાવધાનોનો તાત્કાલિક ધોરણે અમલ કરવામાં આવે. શ્રમ વિભાગમાં ખાલી પડેલી જગ્યાઓ તાત્કાલિક ભરવામાં આવે જેથી શ્રમિકોને ઝડપથી ન્યાય મળી શકે. શ્રમિકોને લગતી સંબંધિત સમિતિઓનું તાત્કાલિક પુનર્ગઠન કરી તેમને કાર્યરત કરવામાં આવે. સમાન કામ માટે સમાન વેતન આપવામાં આવે. દરેક કામદાર માટે લઘુત્તમ વેતન, PF, ESIC, બોનસ અને ગ્રેજ્યુટીની ચૂકવણી ફરજિયાત કરવામાં આવે. ઓવરટાઇમની ચૂકવણી ડબલ દરે કરવામાં આવે. કામદારોની ઔદ્યોગિક સલામતીને લગતા તમામ કાયદાઓનો માલિકો પાસેથી ચુસ્તપણે અમલ કરાવવામાં આવે.
(11:13 AM IST)
છેલ્લા 8 દિવસમાં સૌથી લોકપ્રિય 
