( પ્રવિણ વ્યાસ દ્વારા )  મોરબીમાં નેશનલ હાઈવે પર શક્તિ ચેમ્બર પાસે અનેક જગ્યાએ રોડ ઉપર પાણી ભરાઈ જવાની સમસ્યા સામે આવી છે. રોડ પર મોટા પ્રમાણમાં પાણી ભરાઈ જતા અહીંથી પસાર થતા વાહનચાલકો ભારે પરેશાન થઈ રહ્યા છે. આ દ્રશ્યો જોઈને સવાલ ઊભો થાય છે કે શું હાઈવે ઓથોરિટી ઘોર નિંદ્રામાં સૂતું છે?

નેશનલ હાઈવે પર પ્રી-મોન્સુન કામગીરી અંતર્ગત અહીં આવેલી ગટરોની સફાઈ યોગ્ય રીતે કરવામાં ન આવતા આ સ્થિતિ સર્જાઈ છે. યોગ્ય સફાઈના અભાવે રોડ પર પાણીનું તલાવડું ભરાઈ રહ્યું છે અને આ ભરાઈ રહેલા પાણીના કારણે વાહનચાલકોને પારાવાર હાલાકી પડી રહી છે. સ્થાનિકો અને વાહનચાલકો ઈચ્છી રહ્યા છે કે તંત્ર વહેલી તકે જાગે અને આ સમસ્યાનો કાયમી ઉકેલ લાવે.