જેતપુરના ગ્રામ્ય પંથકમાં વરસાદે રૌદ્ર સ્વરૂપ ધારણ કર્યું છે. દેવકી ગાલોલ ગામ અને તેના ઉપરવાસમાં માત્ર થોડા જ કલાકોમાં અંદાજે 3 ઈંચ જેટલો વરસાદ ખાબકતા સ્થિતિ વણસી ગઈ છે. ભારે વરસાદના કારણે ગાલોરીયા નદીમાં અચાનક ઘોડાપૂર આવ્યું હતું. નદીના આ વિકરાળ પ્રવાહમાં દેવકી ગાલોલ ગામ નજીક બનાવેલું કામચલાઉ ડાયવર્ઝન તણાઈ ગયું હતું. આ ડાયવર્ઝન ધોવાઈ જતાં જેતપુર-બગસરાને જોડતો મુખ્ય માર્ગ બંધ થઈ ગયો છે, જેને કારણે વાહનચાલકો અને ગ્રામજનો ભારે મુશ્કેલીમાં મુકાયા છે