તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ચુડાના કોરડા ગામે યુવકની અંતિમવિધી થઇ ગયા પછી પ્રેમિકાએ હત્યાની આશંકા દર્શાવતા રહસ્ય સર્જાઇ ગયુ!
(ફઝલ ચોહાણ દ્વારા) વઢવાણ, તા.૭: ચુડા તાલુકાના કોરડા ગામ માં એક યુવાનના મોતનો મામલો હવે રહસ્યમય બન્યો છે. શરૂઆતમાં યુવકે આત્મહત્યા કરી હોવાનું માની પરિવારજનોએ તેની અંતિમવિધિ કરી નાખી હોવાનું સામે આવ્યું છે. જોકે મળતક યુવકની પ્રેમિકા દ્વારા યુવકના મોત અંગે ગંભીર શંકા વ્યક્ત કરવામાં આવતા સમગ્ર મામલો સુરેન્દ્રનગર જિલ્લા પોલીસ પાસે પહોંચ્યો છે.
મળતી પ્રાથમિક માહિતી અનુસાર કોરડા ગામના યુવકનું શંકાસ્પદ પરિસ્થિતિમાં મોત થયું હતું. પરિવારજનોએ તેના મોતને આત્મહત્યા હોવાનું માની અંતિમ સંસ્કાર પણ કરી દીધા હતા. દરમિયાન મળતક યુવકની પ્રેમિકાએ યુવકના મોત પાછળ હત્યાની આશંકા વ્યક્ત કરી હતી. આ બાબત પોલીસ સુધી પહોંચતા યુવકના મોતને લઈને અનેક સવાલો ઊભા થયા છે અને તપાસનો દોર શરૂ થયો છે.
પરિવારના સભ્યોને પૂછપરછ માટે લઈ જવાયા
મામલાની ગંભીરતાને ધ્યાનમાં રાખી સુરેન્દ્રનગર જિલ્લા લોકલ ક્રાઈમ બ્રાંચની ટીમે ચુડા તાલુકાના કોરડા ગામમાં તપાસ હાથ ધરી છે. પ્રાથમિક માહિતી મુજબ એલસીબીની ટીમે મળતક યુવકનાં માતા-પિતા અને ભાઈ સહિત કેટલાક પરિવારજનોને પૂછપરછ માટે લઈ જઈ તપાસ શરૂ કરી છે. યુવકના મળત્યુના ચોક્કસ કારણ અને ઘટનાક્રમ અંગે પોલીસ વિવિધ પાસાઓની ચકાસણી કરી રહી છે.
યુવકના સ્વભાવ અને જૂના વિવાદોની પણ તપાસ
આક્ષેપ મુજબ મળતક યુવકનો ગામના કેટલાક લોકો સાથે વ્યવહાર તોફાની રહેતો હતો અને તેના કારણે સ્થાનિક સ્તરે વિવાદો સર્જાતા હોવાની ચર્ચા છે. પરિવાર પણ તેના વર્તનથી કંટાળી ગયો હોવાનો દાવો કરવામાં આવી રહ્યો છે. જોકે આ તમામ બાબતો હાલમાં આક્ષેપ અને તપાસનો વિષય છે. પોલીસે આ દાવાઓને સત્તાવાર રીતે અંતિમ સત્ય તરીકે જાહેર કર્યા નથી.
પોલીસ તપાસ બાદ જ સાચું કારણ સામે આવશે
યુવકનું મોત ખરેખર આત્મહત્યા હતું કે તેની પાછળ કોઈ ગુનાહિત કાવતરૂં હતું તે અંગે હાલ તપાસ ચાલી રહી છે. મળતકની પ્રેમિકા દ્વારા વ્યક્ત કરાયેલી આશંકા, પરિવારજનોનાં નિવેદનો અને અન્ય સંજોગોના આધારે એલસીબી સમગ્ર ઘટનાની કડીઓ જોડવાનો પ્રયાસ કરી રહી છે. પોલીસ તપાસ પૂર્ણ થયા બાદ જ યુવકના મોતનું સાચું કારણ અને કોઈ વ્યક્તિની સંડોવણી હતી કે નહીં તે સ્પષ્ટ થઈ શકશે.
(10:51 AM IST)
છેલ્લા 8 દિવસમાં સૌથી લોકપ્રિય 
