(પરેશ પારેખ દ્વારા) પોરબંદર: વોર્ડ નં.1 ના પૂર્વ કાઉન્સિલર કેશુભાઈ સવદાસભાઇ બોખિરીયાને ભાજપે 6 વર્ષ માટે સસ્પેન્ડ કર્યા છે. મહાનગરપાલિકાની ચૂંટણી માટે ભાજપ દ્વારા ટિકિટ નહિ મળતા કેશુભાઈએ અપક્ષ તરીકે ઉમેદવારી નોંધાવતા જિલ્લા ભાજપ પ્રમુખ ડૉ. ચેતનાબેને પક્ષમાં શિસ્તભંગ માટે કેશુભાઈને ભાજપમાંથી સસ્પેન્ડ કર્યા છે. અગાઉ નગરપાલિકાનું અસ્તિત્વ હતું ત્યારે કેશુભાઈએ વિવિધ કમિટીઓમાં સેવા આપી હતી.