(કૌશલ સવજાણી દ્વારા) ખંભાળીયા તા. રઃ ખંભાળીયામાં જી.વી.જે. હાઇસ્‍કૂલ નજીક આવેલી દેવભૂમિ હોસ્‍પિટલમાં નીચેના રૂમના જનરેટરમાં એકાએક આગ લાગી હતી. આગ લાગતા ડો. વિમલ નકુમ દ્વારા તુરત જ ખંભાળિયા ફાયર બ્રીગેડને જાણ કરતા ફાયર બ્રીગેડના સંજય ભાટુ, મોહન ગામી તથા જયપાલસિંહ જાડેજા દ્વારા તુરત જ આ હોસ્‍પિટલે પહોંચીને આગ પર કાબુ મેળવી લેતા હોસ્‍પિટલમાં જનરેટર સળગતા દોડધામ મચી ગઇ હતી તથા જનરેટર ભસ્‍મીભૂત થયું હતું.