ભુજ :આજે સાંજના સમયે કચ્છના રાપર વિસ્તારમાં ભૂકંપનો આંચકો અનુભવાતાં સ્થાનિક લોકોમાં ક્ષણિક ભયનો માહોલ સર્જાયો હતો. ભૂકંપ વિજ્ઞાન કેન્દ્ર (ISR) દ્વારા નોંધાયેલી માહિતી મુજબ આ આંચકો હળવી તીવ્રતાનો હતો.

પ્રાપ્ત વિગતો અનુસાર, સાંજે 6.41 કલાકે કચ્છ વિસ્તારમાં ભૂકંપનો આંચકો અનુભવાયો હતો. રિક્ટર સ્કેલ પર આ આંચકાની તીવ્રતા 3.1 ની માપવામાં આવી છે. આંચકો હળવો હોવા છતાં, ધરા ધ્રૂજતાં જ કેટલાક લોકો ઘરોમાંથી બહાર દોડી આવ્યા હતા.

સિઝમોલોજી વિભાગના જણાવ્યા અનુસાર, આ ભૂકંપનું કેન્દ્રબિંદુ (એપિસેન્ટર) કચ્છના રાપરથી માત્ર 10 કિલોમીટર દૂર નોંધાયું છે. સદનસીબે, તીવ્રતા ઓછી હોવાના કારણે આ ઘટનામાં કોઈ જાનમાલનું નુકસાન કે જાનહાનિના અહેવાલ પ્રાપ્ત થયા નથી