(કૌશલ સવજાણી દ્વારા)ખંભાળિયા તા.૧૦ : દ્વારકા-ઓખા નેશનલ હાઈવે પર આજે એક ગમખ્વાર માર્ગ અકસ્માત સર્જાયો હતો.

મળતી વિગતો મુજબ, ભોગાત ગામથી દ્વારકા તરફ આવી રહેલા એક બાઇક ચાલકે ઓખા-મઢી ટોલ પ્લાઝા નજીક બાઇકના સ્ટેરીંગ પરથી કાબુ ગુમાવતા બાઇક સીધું ડિવાઈડર સાથે અથડાયું હતું. અકસ્માત એટલો ગંભીર હતો કે બાઇક ચાલકનું ઘટનાસ્થળે જ કરુણ મોત નીપજ્યું હતું.

મૃતક ભોગાત ગામનો હોવાનું પ્રાથમિક રીતે જાણવા મળ્યું છે. અકસ્માતની જાણ થતા જ ઓખા-મઢી ટોલ પ્લાઝાનો સ્ટાફ તાત્કાલિક ઘટનાસ્થળે મદદે પહોંચ્યો હતો અને પોલીસને જાણ કરી હતી. પોલીસે મૃતદેહને પીએમ અર્થે ખસેડી વધુ કાર્યવાહી હાથ ધરી છે.