પોરબંદર : પોરબંદર સ્થિત સાંદીપનિના શ્રીહરિ મંદિર ખાતે આગામી રવિવાર એટલે કે ૨૫ ઓક્ટોબર ૨૦૨૬ના રોજ વિશેષ ધર્મસભાનું ભવ્ય આયોજન કરવામાં આવ્યું છે. ભાઈશ્રી રમેશભાઈ ઓઝાની પ્રેરણા અને માર્ગદર્શન હેઠળ યોજાનારી આ ધર્મસભામાં સાંદીપનિ સંસ્કૃત પાઠશાળાના ભૂતપૂર્વ વિદ્યાર્થી રવિભાઈ રાવલ દ્વારા ઉપસ્થિત ભક્તજનોને સત્સંગનું રસપાન કરાવવામાં આવશે.

શ્રીહરિ મંદિરના પરિસરમાં આવેલી શ્રીહરિની બગીચી ખાતે આ ધર્મસભા યોજાશે, જેનો નિર્ધારિત સમય સાંજે ૫:૩૦ થી ૬:૩૦ કલાક સુધીનો રાખવામાં આવ્યો છે. પવિત્ર વાતાવરણમાં યોજાનાર આ આધ્યાત્મિક કાર્યક્રમથી શ્રદ્ધાળુઓને વિશેષ ધર્મલાભ પ્રાપ્ત થશે.

પોરબંદર તેમજ આસપાસના ગ્રામ્ય વિસ્તારોમાંથી મોટી સંખ્યામાં ભાવિક ભક્તજનો આ ધર્મસભામાં ઉપસ્થિત રહી શકે તે માટે આયોજકો તરફથી જાહેર નિમંત્રણ પાઠવવામાં આવ્યું છે. (અહેવાલ - મુકેશ પંડિત)