જૂનાગઢ જિલ્લાના માણાવદરમાંથી 50 કાચબાના મૃતદેહ મળી આવતાં ચકચાર મચી છે. માણાવદરમાં એન.જી. મીલની સામેથી મૃત કાચબા મળી આવ્યા હતા. ઘટનાની જાણ થતાં વન વિભાગે તપાસ શરૂ કરી છે. મૃત કાચબાઓનું અમરાપુર સેન્ટર ખાતે પોસ્ટમોર્ટમ કરવામાં આવશે. પોસ્ટમોર્ટમ રિપોર્ટ આવ્યા બાદ કાચબાઓનાં મોતનું સાચું કારણ સામે આવશે. બીજી તરફ, આટલી મોટી સંખ્યામાં કાચબાના મૃતદેહ કોણ અને કયા કારણોસર ત્યાં મૂકી ગયું તે દિશામાં પણ વન વિભાગે તપાસ હાથ ધરી છે. તપાસ બાદ જ સમગ્ર ઘટનાની હકીકત સ્પષ્ટ થશે.