( પ્રવિણ વ્યાસ દ્વારા ) મોરબી મહાનગરપાલિકાની આગામી ચૂંટણી 2026 ના સંદર્ભમાં ભારતીય જનતા પાર્ટી દ્વારા પોતાનું સંકલ્પ પત્ર (મેનિફેસ્ટો) જાહેર કરવામાં આવ્યું છે. વડાપ્રધાન નરેન્દ્રભાઈ મોદીના 'વિકસિત ભારત @2047' ના સ્વપ્નને સાકાર કરવા મોરબીને ગુજરાતના નકશા પર એક આધુનિક, સ્વચ્છ અને આત્મનિર્ભર મહાનગર તરીકે પ્રસ્થાપિત કરવાનો લક્ષ્યાંક આ સંકલ્પ પત્રમાં રજૂ કરવામાં આવ્યો છે. "ઉદ્યોગ ક્ષેત્રે હરણફાળ, પ્રગતિશીલ અને સૌરાષ્ટ્રનું પેરીસ એટલે મયુરનગરી-મોરબી" ના નારા સાથે ભાજપે શહેરના વિકાસ માટે વિવિધ મુદ્દાઓ અને યોજનાઓ આવરી લીધી છે.

માળખાકીય સુવિધાઓ : નવતર અને ભવ્ય મોરબી
રોડ નેટવર્ક : મોરબી શહેર મોરબી મહાનગરપાલિકાના તમામ વોર્ડોમાં આવેલ રોડનું રીસરફેસિંગ કરવું.
નવા વિસ્તારો : મહાનગરપાલિકામાં ભળેલા નવા વિસ્તારોમાં પ્રાથમિકતાના ધોરણે પાકા સી.સી. રોડ, ડામર રોડ અને ડ્રેનેજનું નેટવર્ક સ્થાપવું.
બાયપાસ અને સર્કલ : મોરબી શહેર ટ્રાફિકની સમસ્યા હળવી કરવા નવા બાયપાસ રોડ તથા મચ્છુ નદી પર બ્રિજનું નિર્માણ અને મુખ્ય જંક્શનો પર કલાત્મક ટ્રાફિક સર્કલ નું નિર્માણ તથા હેવી ટ્રાફિક વાળા સર્કલ ઉપર ફ્લાય ઓવરનું નિર્માણ.
મચ્છુ નદી પર રીવરફ્રન્ટ અને મચ્છુ-શુદ્ધિકરણ અને બોટિંગ કરવું.
નગરદ૨વાજા થી દરબારગઢ તથા શક્તિ ચોક થી રાણીબાગ સુધી હેરીટેજ વોક-વે.

મોરબી શહેરના મુખ્ય માર્ગને મહાનગરપાલિકા હસ્તક લઈને આઈકોનિક રોડ તરીકે વિકસાવવો.

સુનિયોજિત શહેર વિકાસ : નવી ટાઉન પ્લાનીંગ(TP) સ્કીમ :
ઝડપી અમલીકરણ : મહાનગરપાલિકામાં ભળેલા નવા વિસ્તારો અને હાઈવેની આસપાસના વિસ્તારોમાં નવી TP સ્કીમનું આયોજન અને અમલીકરણ કરવું, જેથી ગેરકાયદેસર બાંધકામો અટકે અને સુનિયોજિત વિકાસ થાય.
રોડ નેટવર્ક : TP સ્કીમ અંતર્ગત પહોળા આંતરિક રસ્તાઓનું જાળ બિછાવવું, જેથી ભવિષ્યમાં ટ્રાફિકની સમસ્યા ન સર્જાય.
જાહેર સુવિધાઓ માટે અનામત પ્લોટ : TP સ્કીમમાં બગીચાઓ, શાળાઓ, દવાખાના અને સામાજિક મેળાવડા માટેના પ્લોટ અનામત રાખી જાહેર સુવિધાઓનો વિકાસ કરવો.
ગ્રીન બેલ્ટ : શહેરની આસપાસ પર્યાવરણની જાળવણી માટે TP સ્કીમમાં સ્પેશિયલ 'ગ્રીન બેલ્ટ' અને વૃક્ષારોપણ માટેની જગ્યાઓનું આયોજન.
સુદ્રઢ પાણી પુરવઠો અને ગટર વ્યવસ્થાનું આયોજન
વોટર ડીસ્ટ્રીબ્યુશન નેટવર્ક અપગ્રેડ કરી દરેક ઘર સુધી શુદ્ધ પીવાનું પાણી પહોંચાડવું.
પાણીના વિતરણ માટે સ્કાડા (SCADA) સિસ્ટમ અમલી બનાવી પાણીનો બગાડ અટકાવવો.
ગટર લાઈનનું આધુનિકરણ અને નવા વિસ્તારોમાં અન્ડરગ્રાઉન્ડ ગટર લાઈનનું વિસ્તરણ.
સ્વચ્છતા અને પર્યાવરણ
ઘન કચરા વ્યવસ્થાપન : "ડોર ટુ ડોર" ગાર્બેજ કલેક્શનને વધુ કાર્યક્ષમ બનાવી કચરાના નિકાલ માટે આધુનિક "વેસ્ટ ટુ એનર્જી" અથવા "કોમ્પોસ્ટ પ્લાન્ટ" નું સુચારુ વ્યવસ્થાપન તથા નવા STP નું નિર્માણ.
પ્લાસ્ટિક મોરબી : સિંગલ યુઝ પ્લાસ્ટિક પર પ્રતિબંધ અને પ્લાસ્ટિક કલેક્શન માટે 'રીસાયક્લીંગ પ્લાન્ટ'ની સ્થાપના કરી પર્યાવરણનું જતન કરવું.
સ્વચ્છ શહેર : યાંત્રિક સાધનો દ્વારા સફાઈ કરવા રોડ સ્વીપર કાર્યરત કરવામાં આવશે.
મનોરંજન અને રમતગમત : યુવા અને સ્વસ્થ મોરબી
ગ્રીન મોરબી : દરેક વોર્ડમાં આધુનિક બગીચાઓ, સિનિયર સીટીઝન પાર્ક અને બાળકો માટે પ્લે એરિયાનું નિર્માણ
તળાવ બ્યુટીફીકેશન : શહેરના ઐતિહાસિક તળાવોનું રીનોવેશન કરી ત્યાં વોકિંગ ટ્રેક, લાઈટિંગ અને બોટિંગ જેવી સુવિધા વિકસાવવી.
શહેરી પરિવહન : ગતિશીલ મોરબી
સિટી બસ સેવાનું વિસ્તરણ : પર્યાવરણને અનુકૂળ એવી વધુ નવી ઈલેક્ટ્રિક અને CNG સિટી બસો શરૂ કરવી.
લાસ્ટ માઈલ કનેક્ટિવિટી : નવા ભળેલા ગ્રામ્ય વિસ્તારો અને છેવાડાના સોસાયટી વિસ્તારોને મુખ્ય શહેર સાથે જોડતી બસ સેવાઓ શરૂ કરવી.
બસ સ્ટેન્ડ : મુસાફરોની સુવિધા માટે સ્માર્ટ બસ સ્ટોપ અને રીયલ-ટાઈમ ટ્રેકિંગ સિસ્ટમ.
ગ્રીન એનર્જી અને પર્યાવરણ જાળવણી
સોલાર સીટી અભિયાન : મહાનગરપાલિકાની તમામ સરકારી ઈમારતો, વોટર પમ્પિંગ સ્ટેશન અને સ્ટ્રીટ લાઈટ્સને સોલાર એનર્જી પર ટ્રાન્સફર કરવી, જેથી વીજળીના ખર્ચમાં બચત થાય.
અર્બન ફોરેસ્ટ : શહેરમાં ઉપલબ્ધ ખુલ્લી જગ્યાઓ પર 'મીયાવાકી' પદ્ધતિથી જંગલો (Micro Forests) ઉભા ક૨વા જેથી શહેરનું તાપમાન જળવાઈ રહે. (દા.ત. 'નમો વન' પાંજરાપોળ)
જનભાગીદારી અને ફરિયાદ નિવારણ
લોક દરબાર : દર મહિને મેયર અને કમિશનર દ્વારા સીધો લોક સંવાદ કાર્યક્રમ યોજીને લોકોની પાયાની મુશ્કેલીઓનો સ્થળ પર જ નિકાલ કરવો.
સિનિયર સીટીઝન કાઉન્સિલ : વડીલોના અનુભવનો લાભ શહેરના વિકાસમાં લેવા માટે દરેક વોર્ડમાં વડીલોની સમિતિ બનાવી તેમના સુચનોને અમલી બનાવવા.
ફાયર સેફટી અને ડિઝાસ્ટર મેનેજમેન્ટ(આધુનિકરણ)
હાઈરાઈઝ બિલ્ડીંગ માટે વ્યવસ્થા : શહેરમાં વધતી જતી ઊંચી ઈમારતોને ધ્યાને રાખી અત્યાધુનિક હાઈડ્રોલીક (Fire Snorkel) ની ખરીદી તથા ફાયર સેવાનું વાયરલેસ સેટઅપ અને 112 સાથે જોડાણ.
વોર્ડ લેવલ સેન્ટર : શહેરના ગીચ વિસ્તારોમાં આગની ઘટના સમયે ઝડપી પહોંચી શકાય તે માટે નાના ફાયર ફાયર સ્ટેશનો અથવા ફાયર પોસ્ટની સ્થાપના.
સામાજીક સુખાકારી અને કૌશલ્ય વિકાસ (Skill Development):
ડિજીટલ લાયબ્રેરી : સમસ્ત મોરબી મહાનગરના વિદ્યાર્થીઓ અને સ્પર્ધાત્મક પરીક્ષાની તૈયારી કરતા યુવાનો માટે વાતાનુકૂલિત હાઈ-ટેક લાઈબ્રેરી અને ફ્રી વાઈ-ફાઈ ઝોન.
આદર્શ આંગણવાડી : બાળકોના સર્વાંગી વિકાસ માટે પ્લે-સ્કુલ જેવી સુવિધાઓ ધરાવતી નંદઘર આંગણવાડી.
કૌશલ્ય વર્ધન કેન્દ્ર : સ્થાનિક યુવાનોને રોજગારી મળી રહે તે માટે આઈ.ટી. સેક્ટર, મિકેનિકલ અને હસ્તકળાના ટુંકાગાળાના કોર્સ પુરા પાડતા સેન્ટર શરુ કરવા.
મહિલા સશક્તિકરણ અને સુરક્ષા
પિંક ટોયલેટ્સ : મહિલાઓની સુવિધા અને સ્વચ્છતા માટે શહેરના મુખ્ય બજારો અને જાહેર સ્થળોએ ખાસ “પિંક ટોયલેટ્સ” બનાવવામાં આવશે.
સેફ સિટી પ્રોજેક્ટ : આખા શહેરમાં હાઈ-ડેફીનેશન CCTV કેમેરાનું નેટવર્ક બિછાવી કંટ્રોલ રૂમ સાથે જોડવામાં આવશે. જેથી મહિલાઓ અને નાગરિકોની સુરક્ષા સુનિશ્ચિત કરી શકાય.
મહિલા ઉદ્યોગ કેન્દ્ર : સ્વ-સહાય જૂથ (Sakhi Mandals) દ્વારા બનાવાયેલી ચીજવસ્તુઓના વેચાણ માટે ખાસ “મહિલા હાટ” બજારનું સાપ્તાહિક આયોજન.
પશુ નિયંત્રણ અને ગૌ-સેવા
એનિમલ હેલ્પ લાઈન : ઘાયલ પશુ-પક્ષીઓની સારવાર માટે 24 કલાક એમ્બ્યુલન્સ અને વેટરનરી ડોક્ટરની સુવિધા પૂરી પડતાં હેલ્પલાઈન શરુ કરવી.
મોડર્ન કેટલ હોસ્ટેલ : રખડતા ઢોરની સમસ્યાના કાયમી નિકાલ માટે શહેરની બહાર આધુનિક 'કેટલ હોસ્ટેલ' બનાવવી.
સાંસ્કૃતિક ભવન અને ઓડિટોરિયમ
ટાઉન હોલનું નવીનીકરણ : શહેરના મધ્યમાં આવેલ ટાઉન હોલનું અત્યાધુનિક ડીજીટલ સાઉન્ડ સિસ્ટમ અને સેન્ટ્રલ એસી સાથે નવીનીકરણ.
નવું કન્વેન્શન સેન્ટર : મોટા સામાજીક અને વ્યાપારિક કાર્યક્રમો માટે શહેરની બહારના ભાગમાં વિશાળ “કન્વેન્શન સેન્ટર” અને સાંસ્કૃતિક એક્ઝિબેશન હોલનું નિર્માણ.
નાગરિક સુવિધા કેન્દ્રો (Civic Centers)
મિનિ સિવિક સેન્ટર સુવિધા : નાગરિકોને પોતાના વેરા ભરવા કે દાખલા કઢાવવા નવા કેન્દ્રો ઊભા કરી મીની સિવિક સેન્ટર સુવિધા પૂરી પાડવી.
રાત્રી બજાર (Night Market) અને ટુરીઝમ
રિવરફ્રન્ટ ડેવલોપમેન્ટ : જો ભૌગોલિક રીતે શક્ય હોય તો, સ્થાનિક નદી કે વોકળાના કાંઠે નાનો રીવરફ્રન્ટ બનાવી ત્યાં જ બજાર અને વોકિંગ ટ્રેક વિકસાવવો.
વિરાસત ભી વિકાસ ભી
મોરબીની ભવ્ય વિરાસત મણીમંદિર અને એલ. ઈ. કોલેજ, શંકર બાગ (નાનાજી પેસવા) ની જાળવણી માટે ખાસ લક્ષ્ય કેન્દ્રિત કરાશે.
રાષ્ટ્રભક્તોની પ્રતિમાની જાળવણી કરાશે.
શહેરની મધ્ય માં કેનાલ છે તેને બોક્સિંગ કરી સાયકલિંગ અને રાહદારીઓ માટે પથ સુવિધા સાથે બ્યુટીફિકેશન કરાશે.
સ્પોર્ટ સંકુલ બનાવાશે, બાલ વાટિકા (આંગણવાડીનું) આધુનિકરણ