જામનગર મહાનગરપાલિકાની સ્ટેન્ડિંગ કમિટીની બેઠક દરમિયાન કોંગ્રેસના કોર્પોરેટરો અને કાર્યકરોએ કચેરી બહાર ઉગ્ર વિરોધ પ્રદર્શન કર્યું હતું. સૂત્રોચ્ચાર સાથે વિપક્ષે મહાનગરપાલિકા તંત્ર સામે હંગામો મચાવી પ્રિ-મોન્સૂન કામગીરીમાં ભ્રષ્ટાચાર થયાના ગંભીર આક્ષેપો કર્યા હતા. કોંગ્રેસે શહેરમાં ડ્રેનેજ વ્યવસ્થા અને વરસાદી પાણીના નિકાલ માટે પૂરતી કામગીરી ન કરવામાં આવી હોવાનો આરોપ લગાવી તાત્કાલિક અસરકારક પગલાં ભરવાની માંગ કરી હતી. વરસાદી મોસમ પહેલા શહેરમાં પાણી ભરાવાની સમસ્યા ન સર્જાય તે માટે યોગ્ય આયોજન અને પારદર્શક કામગીરી કરવાની પણ માંગ ઉઠાવવામાં આવી હતી