(મુકુંદ બદિયાણી દ્વારા)જામનગર તા.૨૮ :    'છોટીકાશી' કહેવાતા જામનગરમાં હવાઇ ચોકમાં મહાદેવનું અનોખુ મંદિર આવેલુ છે. શિવાલયોમાં શિવલિંગ સ્વરૂપે મહાદેવની આરાધના થતી હોય છે પરંતુ હવાઇ ચોકમાં આવેલ શ્રી દક્ષિણામૂર્તિ મહાદેવ મંદિરમાં ભગવાન શિવની મૂર્તિ સ્વરૂપે પૂજા થાય છે. દક્ષિણામૂર્તિ શિવનું આ રૂપ ગુરૂ સ્વરૂપ તરીકે પણ પૂજાય છે ત્યારે ગુરૂ પૂર્ણિમા પર અહીં વિશેષ પૂજા - આરાધના કરવામાં આવે છે.