(વિપુલ હિરાણી દ્વારા ) ભાવનગર : રવિવારે ભાવનગરમાં કાળજાળ ગરમીથી લોકો ત્રાહિમામ પોકારી ગયા હતા. ગરમીની અસર યોજાયેલ ચૂંટણીના મતદાન પર પણ પડી હતી. ગરમીને કારણે લોકો ઘરમાં જ રહેતા રાજકીય પક્ષો આગેવાનોએ રીક્ષાઓ ફેરવી લોકોને મતદાન કરવા માટે અપીલ કરવી પડી હતી.

આજે ભાવનગરમાં લઘુત્તમ તાપમાન ૨૮.૬ ડિગ્રી અને મહત્તમ તાપમાન ૪૧.૬ ડીગ્રી નોંધાયું હતું. વાતાવરણમાં ભેજનું પ્રમાણ ૨૬ ટકા રહ્યું હતું .જ્યારે પવનની ઝડપ ૧૬ કી.મી. પ્રતિ કલાકની રહી હતી.મોડી સાંજ સુધી ગરમ લૂ ફેંકાઈ હતી અને ભાવનગરવાસીઓ તોબા પોકારી ગયા હતા.