ભાવનગર તા.૨૬ : ભાવનગર મહાનગરપાલિકા સામાન્ય ચૂંટણી-2026 અંતર્ગત તા. 26/04/2026ના રોજ યોજાયેલ મતદાનમાં વોર્ડ નં. 1, 2, 3 માં સવારે 7:00 થી 11:00 વાગ્યા સુધીમાં કુલ 18.30 ટકા મતદાન નોંધાયું છે.

ચૂંટણી અધિકારી દ્વારા જાહેર કરાયેલા આંકડા મુજબ ત્રણેય વોર્ડની કુલ 12 બેઠકો માટે 1,00,219 મતદારો નોંધાયેલા છે. જેમાંથી સવારે 11 વાગ્યા સુધીમાં 18,337 મતદારોએ મતદાન કર્યું છે. પુરુષ મતદારોમાં 19.87% જ્યારે મહિલા મતદારોમાં 16.55% મતદાન નોંધાયું છે.

*વોર્ડવાર મતદાનની સ્થિતિ - સવારે 11:00 વાગ્યા સુધી:*

- *વોર્ડ નં. 1*: 18.49% સાથે સૌથી વધુ મતદાન. કુલ 38,429 મતદારોમાંથી 7,488 મતદાન થયું. પુરુષ 21.07%, સ્ત્રી 17.72%.

- *વોર્ડ નં. 2*: 18.30% મતદાન. 27,179 મતદારોમાંથી 5,245 મતદાન નોંધાયું. પુરુષ 20.40%, સ્ત્રી 17.66%.

- *વોર્ડ નં. 3*: 16.19% મતદાન. 34,611 મતદારોમાંથી 5,604 મતદાન થયું. પુરુષ 18.04%, સ્ત્રી 14.17%.

ભાવનગર મહાનગરપાલિકાના વોર્ડ નં. 1, 2, 3 માં કુલ 52,670 પુરુષ અને 47,549 સ્ત્રી મતદારો નોંધાયેલા છે. જેમાંથી 10,466 પુરુષ અને 7,871 સ્ત્રીઓએ સવારે 11 વાગ્યા સુધીમાં મતાધિકારનો ઉપયોગ કર્યો છે.

કાયદો અને વ્યવસ્થાનો કોઈ પ્રશ્ન ઉપસ્થિત થયો નથી. એક BU મશીન બદલવામાં આવ્યું છે. મતદાન સાંજે 6:00 વાગ્યા સુધી ચાલુ રહેશે અને બપોર બાદ મતદાનની ટકાવારી વધવાની શક્યતા છે.