ભાવનગર તા.૨૯: તળાજા તાલુકાના પીથલપુર ગામના સરપંચ કરણભાઈ ધનજીભાઈ ઢાપાએ દાઠા પોલીસ મથકમાં હરદીપ શિવાભાઈ સરવૈયા, ધીરજ શાંતિભાઈ, સતિષ શાંતિભાઈ, હરદીપના મમ્‍મી અને સતીષના મમ્‍મી (તમામ રહે.પીથલપુર) સામે ફરિયાદ નોંધાવી હતી. જેમાં તેઓ પીથલપુર ગામના સરપંચ તરીકે કાર્યરત હોય અને ચોમાસા પહેલા તેમના ગામમાં રોડ રસ્‍તા સફાઈ કરાવવાનું કામ શરળ કરવાનું હોવાથી ઉક્‍ત લોકોને રસ્‍તા પર પડેલા તેમના બેલા હટાવી લેવાનું કહેતા તેઓ પ્‍લોટ વિસ્‍તારમાં સફાઈ કામ કરાવતા હતા ત્‍યાં ઉક્‍ત લોકોએ આવી અપશબ્‍દો કહી ઝઘડો કરી કડુ અને ધોકા વડે માર મારી ઈજા કરી ધમકી આપી હતી. આ અંગે દાઠા પોલીસે ગુનો નોંધી તપાસ હાથ ધરી છે.