રાજકોટ તા. ૪: આટકોટના પાંચવડા ગામે રહેતો મોહન કિશનભાઇ બાંભણીયા (ઉ.વ.૨૬) નામનો યુવાન રાતે ગામમાં લાભુભાઇ કંટારીયાની વાડીએ  સુતો હતો ત્‍યારે અચાનક ધસી આવેલા કૂતરાએ હુમલો કરી બંને હાથ પર બટકા ભરી લેતાં લોહીલુહાણ થઇ જતાં સારવાર માટે દાખલ કરયો છે.

મોહન વાડીમાં રહી મજૂરી કરે છે. રાતે બે વાગ્‍યા આસપાસ તે વાડીએ ખાટલો ઢાળીને સુતો હતો ત્‍યારે અચાનક કૂતરાએ હુમલો કરી તેના બંને હાથે બટકા ભરી લીધા હતાં. તેણે દેકારો મચાવતાં બીજા લોકો ભેગા થઇ જતાં કુતરૂ ભાગી ગયું હતું. આટકોટ સારવાર અપાવી તેને રાજકોટ સિવિલ હોસ્‍પિટલમાં ખસેડાયો છે.