(પ્રવિણ વ્યાસ દ્વારા ) મોરબી :મોરબીમાં પંચશીલ ફાઉન્ડેશન આયોજિત અને માતા રમાબાઈ આંબેડકર સમૂહ લગ્ન સમિતિ દ્વારા આગામી તારીખ 21/02/2027, મહા વદ એકમને રવિવારના રોજ 7માં સમૂહ લગ્નોત્સવનું આયોજન કરવામાં આવ્યું છે.
આ સમૂહ લગ્નમાં અનુસૂચિત જાતિની 11 દીકરીઓ પ્રભુતામાં પગલાં પાડશે. આ સેવાકાર્યમાં ગરીબ અને માતા-પિતાની છત્રછાયા ગુમાવી ચૂકેલી નિરાધાર દીકરીઓને પ્રથમ પ્રાધાન્ય આપવામાં આવશે. સમૂહ લગ્નમાં જોડાવા ઈચ્છુક પરિવારોએ ફોર્મ મેળવવા માટે 'માં નાગલ પાન', નોબેલ સ્કૂલ, ખોડીયાર ચેમ્બર, ભડીયાદ રોડ, મોરબી-2 ખાતે રૂબરૂ સંપર્ક કરવાનો રહેશે. વધુ માહિતી અને માર્ગદર્શન માટે મોબાઈલ નંબર 9909701973અથવા 9537102327 પર સંપર્ક કરવા જણાવાયુ છે.