(કૌશલ સવજાણી દ્વારા)ખંભાળિયા તા.30 : દેવભૂમિ દ્વારકા જિલ્લાના ખંભાળિયામાં વાહનોને ફિટનેસનું કામ કરતી એજન્સીનો કર્મચારી એન્ટી કરપ્શન બ્યુરો (ACB)ની ટ્રેપમાં પકડાયો છે.

મળતી માહિતી મુજબ ACBને મળેલ ફરિયાદના આધારે આ ટ્રેપ ગોઠવવામાં આવી હતી. ખંભાળિયા-જામનગર રોડ પર મામા સાહેબની જગ્યા પાસે આવેલ ફિટનેસ સર્ટિફિકેટ કેન્દ્રમાં કામ કરતા કર્મચારીને ફિટનેસ સર્ટિફિકેટ આપવાના બદલામાં પૈસા લેતા રંગેહાથ ઝડપી લેવામાં આવ્યો છે.

ACB દ્વારા આરોપીની અટકાયત કરી આગળની કાર્યવાહી હાથ ધરવામાં આવી છે.