( પ્રવિણ વ્યાસ દ્વારા ) મોરબી : મોરબી-વાંકાનેર નેશનલ હાઈવે પર શક્તિ ચેમ્બર સામે ગત તા.13ના રોજ સવારના સમયે જીજે - 36 - બીસી - 3067 નંબરના બાઈક ચાલકે પુરઝડપે અને બેફામ રીતે મોટરસાયકલ ચલાવી રસ્તો ઓળંગી રહેલા મંજુલાબેન સાતોલા ઉ.60નેહડફેટે લીધા હતા. આ ગંભીર અકસ્માતમાં તેમને ગંભીર ઈજાઓ પહોંચતા મંજુલાબેનનું મોત નીપજ્યું હતું. અકસ્માત બાદ બાઈક ચાલક નાસી જતા મૃતકના ભત્રીજા રમેશભાઈ બાબુભાઈ સાતોલા( રહે.ત્રાજપર વાળા) એ બી ડિવિઝન પોલીસ મથકમાં બાઈક ચાલક વિરુદ્ધ ફરિયાદ નોંધાવતા પોલીસે ગુનો નોંધી તપાસ હાથ ધરી છે.