પાલીતાણા શહેરના ભીલવાસ ગરાજીયા રોડ વિસ્તારમાં કોઈ અગમ્ય કારણોસર બે જૂથ વચ્ચે ઉગ્ર બોલાચાલી બાદ સામસામે પથ્થરમારો થતા સમગ્ર વિસ્તારમાં તંગદિલી ફેલાઈ ગઈ હતી. ઘટનાની જાણ થતાં જ પાલીતાણા ટાઉન પોલીસનો કાફલો તાત્કાલિક ઘટનાસ્થળે દોડી ગયો હતો અને ટોળાને વિખેરીને પરિસ્થિતિ પર સંપૂર્ણ કાબૂ મેળવી મામલો થાળે પાડ્યો હતો. રાહતની વાત એ છે કે આ અથડામણમાં કોઈ જાનહાનિના સમાચાર નથી, પરંતુ કાયદો અને વ્યવસ્થા જાળવવા માટે ટાઉન પોલીસ મથકમાં મહિલાઓ સહિત કુલ 22 લોકો સામે ગુનો દાખલ કરીને આગળની કાયદેસરની કાર્યવાહી હાથ ધરવામાં આવી છે