(સંજય ડાંગર દ્વારા) ધ્રોલ: જામનગર જિલ્લા પોલીસ અધીક્ષકની કચેરી દ્વારા વહીવટી સરળતા અને જાહેર હિતને ધ્યાને રાખીને જિલ્લાના ૪ પોલીસ ઇન્સ્પેક્ટર (પો.ઇન્સ.) ની આંતરિક બદલીના ઓર્ડર કરવામાં આવ્યા છે. પોલીસ અધીક્ષક ડૉ. રવિ મોહન સૈની દ્વારા આ કચેરી હુકમ જારી કરવામાં આવ્યો છે, જેમાં તમામ સંબંધિત અધિકારીઓને તાત્કાલિક ચાર્જ સોંપવા અને સંભાળવાની લેખિતમાં જાણ કરવા અલ્ટીમેટમ અપાયું છે.

 બદલી થયેલા અધિકારીઓ અને નિમણૂંકની વિગત:

પોલીસ અધીક્ષકના આદેશ મુજબ બદલી પામેલા અધિકારીઓની યાદી નીચે મુજબ છે:

  પી.ટી.જયસ્વાલ: મેઘપર (પડાણા) પોલીસ સ્ટેશનથી બદલી કરીને કાલાવડ ટાઉન પોલીસ સ્ટેશન ખાતે નિમણૂંક કરવામાં આવી છે.

  એ.એલ.બારસીયા: કાલાવડ ટાઉન પોલીસ સ્ટેશનથી બદલી કરીને મેઘપર (પડાણા) પોલીસ સ્ટેશન ખાતે નવી નિમણૂંક આપવામાં આવી છે.

  આર.બી.સોલંકી: AHTU માંથી બદલી કરીને શેઠવડાળા પોલીસ સ્ટેશન ખાતે મૂકવામાં આવ્યા છે.

  વી.એસ.પટેલ: શેઠવડાળા પોલીસ સ્ટેશનથી બદલી કરીને AHTU માં નિમણૂંક કરવામાં આવી છે.

આ તમામ બદલીઓ જાહેર હિત અને વહીવટી ક્ષમતા સુધારવાના હેતુથી કરવામાં આવી હોવાનું હુકમમાં જણાવવામાં આવ્યું છે.