અમરેલી જિલ્લાના જાફરાબાદ તાલુકાના કડિયાળી ગામમાં પ્રેમસંબંધના વિવાદમાં એક યુવકની ઘાતકી હત્યા કરાતા ચકચાર મચી ગઈ છે. રાજેશ બાંભણિયા નામનો યુવક જ્યારે પોતાની પ્રેમિકાને મળવા ગયો હતો, ત્યારે યુવતીના પિતા સહિતના પરિવારજનોએ તેના પર જીવલેણ હુમલો કરી દીધો હતો. ગંભીર ઈજાઓ થવાના કારણે યુવકનું મોત નીપજ્યું હતું. ઘટના બાદ મૃતકની લાશને પીએમ અર્થે જાફરાબાદ હોસ્પિટલ ખસેડવામાં આવી છે. આ મામલે પોલીસે હત્યાનો ગુનો નોંધીને કાયદેસરની કાર્યવાહી હાથ ધરી છે, જ્યારે લોકલ ક્રાઈમ બ્રાન્ચ (LCB) ની ટીમોએ ફરાર આરોપીઓને પકડી પાડવા ચક્રો ગતિમાન કર્યા છે.