(વિનુ જોશી દ્વારા) જુનાગઢ તા.૨૪: કેશોદના પીપલીયાનગર વિસ્‍તારમાં અક્ષરધામ સોસાયટીમાં રહેતા સાગર નીતિન પીપલીયાએ ત્રણેક માસ પહેલા મુળ ઉત્તરપ્રદેશના અને હાલ કેશોદના નહેરૂનગર વિસ્‍તારમાં રહેતા રવિ દિગ્‍વિજય કુશવાહાની પત્‍ની સાથે મૈત્રી કરાર કર્યો હતા.

આ બાબતના મનદુઃખના કારણે રવિ કુશવાહા અને રમેશ હરીચરણ કુશવાહાએ સાગરના ઘર પાસે જઈ છરી તથા પાઈપ વડે ખૂની હુમલો કર્યો હતો. જેમાં સાગરને માથાના ભાગે ગંભીર ઈજા થઈ હતી.

આ અંગે સાગર પીપલીયાએ ફરિયાદ કરતા કેશોદ પોલીસે રવિ તથા રમેશ કુશવાહા સામે ગુનો દાખલ કરી વધુ તપાસ હાથ ધરી હતી.