અમરેલી જિલ્લાના હનુમાન ખીજડિયા ગામે દીપડાએ 7 વર્ષના બાળક પર હુમલો કરતાં ચકચાર મચી છે. ખેતરમાં પિતા સાથે રમતા સાયારામ નામના બાળક પર કપાસના વાવેતરમાંથી અચાનક બહાર આવેલા દીપડાએ હુમલો કર્યો હતો

મળતી માહિતી મુજબ, બાળક ખેતરમાં પિતા સાથે રમતો હતો ત્યારે કપાસના પાકમાંથી અચાનક દીપડો બહાર આવ્યો અને બાળક પર હુમલો કર્યો. દીપડાના હુમલામાં બાળકના ચહેરા અને નાકના ભાગે ગંભીર ઈજાઓ પહોંચી હતી.

હુમલા સમયે બાળકના પિતાએ સમયસૂચકતા વાપરી બૂમાબૂમ કરતાં દીપડો ત્યાંથી નાસી છૂટ્યો હતો. ત્યારબાદ ઈજાગ્રસ્ત સાયારામને તાત્કાલિક સારવાર માટે ખસેડવામાં આવ્યો હતો. હાલ બાળક જૂનાગઢની હોસ્પિટલમાં સારવાર હેઠળ હોવાનું જાણવા મળ્યું છે.