રાજકોટ તા. ૨૮: વાંકાનેરના કણકોટ ગામે રક્ષાબંધનની સવારે વાળંદની દુકાને દાઢી કરવા ભેગા થઇ જતાં જુના મનદુઃખને લીધે મારામારી થઇ ગઇ હતી. જેમાં એક આધેડ અને તેના બે દિકરા પર ધારીયાથી હુમલો થતાં લોહીલુહાણ થઇ ગયા હતાં.

જાણવા મળ્‍યા મુજબ કણકોટ રહેતાં અરવિંદભાઇ ભવાનભાઇ મકવાણા (ઉ.વ.૪૬) સવારે વાળંદની દુકાને દાઢી કરાવવા ગયા ત્‍યારે ગામનો જ જીવરાજ નાથાભાઇ મકવાણા પણ ત્‍યાં હજાર હોઇ બંને વચ્‍ચે જુના મનદુઃખને લીધે બોલાચાલી થતાં બંનેએ ફોન કરી પોતપોતાના લોકોને બોલાવી લીધા બાદ ધારીયા-ધોકાથી મારામારી થતાં અરવિંદભાઇ અને તેમને બચાવવા વચ્‍ચે પડેલા બે દિકરા પંકજ (ઉ.વ.૨૪) અને નિલેષ (ઉ.વ.૨૩)ને પણ ઇજાઓ થઇ હતી. ત્રણેયને સારવાર માટે રાજકોટ ખસેડાયા છે.

પોતાના પર જીવરાજભાઇ, હહાર્દિક, જયરાજ, સહિતનાએ હુમલો કર્યાનું અરવિંદભાઇએ કહ્યું હતું. તેમની દિકરીને અગાઉ જીવરાજથો રાજકોટ રહેતો ભાણેજ ભગાડી ગયો હોઇ આ કારણે મનદુઃખ ચાલતું હોઇ આ મારામારી થયાનું ખુલ્‍યું હતું. જીવરાજે વાળદની દુકાને ભેગા થયા ત્‍યારે અરવિંદભાઇને ધારીયુ બતાવી આ તારા માટે જ રાખ્‍યું છે કહી બોલાચાલી બાદ હુમલો કર્યો હતો. પોલીસે વધુ તપાસ હાથ ધરી છે.