રાજકોટ જિલ્લાના ધોરાજી શહેરમાં સવારથી સાંજ સુધી વિવિધ મુખ્ય વિસ્તારોમાં રખડતા ઢોર અને પશુઓનો ત્રાસ ચિંતાજનક રીતે વધી રહ્યો છે. ધોરાજીના હાર્દ સમાન માર્ગો પર રખડતા પશુઓ અડીંગો જમાવીને બેસી રહેતા હોવાથી ટ્રાફિક જામની સમસ્યા સર્જાય છે અને પસાર થતા રાહદારીઓ તથા વાહનચાલકોની સુરક્ષા સામે મોટું જોખમ ઊભું થયું છે. નગરપાલિકા તંત્ર દ્વારા આ મામલે કોઈ આયોજનબદ્ધ કે નક્કર કામગીરી કરવામાં ન આવતા સ્થાનિકોમાં ભારે રોષ જોવા મળી રહ્યો છે અને મોટી દુર્ઘટના સર્જાય તે પહેલા તંત્ર દ્વારા યોગ્ય પગલાં ભરવામાં આવે તેવી માંગ ઉઠી રહી છે.