દ્વારકામાં દરિયાઈ સુરક્ષાને વધુ મજબૂત કરવા માટે પોલીસ તંત્ર પૂરેપૂરું એક્શન મોડમાં આવી ગયું છે. સરકારી નિયમોનો ભંગ કરીને કલેક્ટરના જાહેરનામાનું અનાદર કરનાર 6 માછીમારો સામે ગુનો દાખલ કરવામાં આવ્યો છે. આ માછીમારો જરૂરી સરકારી ટોકન લીધા વિના જ દરિયામાં મશીનરી બોટ લઈને ઉતરી પડ્યા હોવાનું સામે આવતાં, સ્પેશિયલ ઓપરેશન ગ્રુપ (SOG) દ્વારા તાત્કાલિક કાયદેસરની કાર્યવાહી હાથ ધરવામાં આવી છે. દરિયાઈ સુરક્ષા પ્રત્યેની આ ગંભીર બેદરકારી બદલ તમામ 6 માછીમારો સામે 'ગુજરાત ફિશરીઝ એક્ટ' અને કલેક્ટરના જાહેરનામાના ભંગ બદલ ગુનો નોંધી આગળની કાયદેસરની તપાસ હાથ ધરાઈ છે