ભચાઉ તાલુકાના સામખીયાળીમાં કાયદો અને વ્યવસ્થાની સ્થિતિ સુદ્રઢ કરવાના ભાગરૂપે સ્થાનિક પોલીસે હાઈવે પર આવેલી હોટલો અને ધાબાઓમાં એક ખાસ સરપ્રાઈઝ ડ્રાઈવ યોજી હતી. પોલીસે અલગ-અલગ ટીમો બનાવીને અંદાજે ૨૫ જેટલા હોટલ-ધાબાઓમાં સઘન ચેકિંગ હાથ ધર્યું હતું, જે અંતર્ગત પ્રોહિબિશન (દારૂબંધી)ના ૭ કેસ નોંધી કાયદેસરની કાર્યવાહી કરવામાં આવી છે. આ ઉપરાંત, શંકાસ્પદ હલચલ રોકવા માટે પોલીસે હાઈવે પરથી પસાર થતા ૧૫૭ જેટલા વાહનોનું પણ કડક ચેકિંગ કર્યું હતું. પોલીસની આ આકસ્મિક કાર્યવાહીથી અસામાજિક તત્વોમાં ફફડાટ વ્યાપી ગયો છે.