( પ્રવિણ વ્યાસ દ્વારા ) મોરબી તાલુકા પોલીસે વાહન ચેકિંગ દરમિયાન રંગપર ગામની સીમમાં મોરબીથી જેતપર રોડ પર રામદેવ હોટલ સામેથી એક શખ્સને છળકપટથી મેળવેલા હીરો હોન્ડા સ્પ્લેન્ડર બાઈક સાથે ઝડપી પાડી કાયદેસરની કાર્યવાહી હાથ ધરી છે.
મળતી માહિતી મુજબ, તારીખ 13-04-2026 ના રોજ મોરબી પોલીસ સ્ટાફ મોરબી-જેતપર રોડ પર રામદેવ હોટલ સામે વાહન ચેકિંગ કરી રહ્યો હતો, ત્યારે જેતપર બાજુથી એક શખ્સ સ્પ્લેન્ડર બાઈક લઈને આવતો દેખાયો હતો. પોલીસે તેને રોકીને બાઈકના કાગળો માંગતા તેણે સંતોષકારક જવાબ આપ્યો ન હતો અને ગલ્લાંતલ્લાં કરવા લાગ્યો હતો. બાઈકની માલિકી અંગે કોઈ આધાર પુરાવા ન હોવાથી અને આ બાઈક છળકપટ કે ચોરીથી મેળવેલું હોવાનું જણાતા પોલીસે બાઈક કબજે કર્યું હતું.
પોલીસે ખાખરેચી (તા. માળિયા મિં., જી. મોરબી) ના રહેવાસી આરોપી વિજયભાઈ બંસીભાઈ ભોજવીયાની સાંજે 18:40 વાગ્યે અટકાયત કરી હતી. પોલીસે આરોપી પાસેથી 15,000 રૂપિયાની કિંમતનું હીરો હોન્ડા કંપનીનું સ્પ્લેન્ડર બાઈક (એન્જિન નંબર:HA10EA89B01829) ४प्त ऽर्यु छे.
આ સફળ કામગીરીમાં પોલીસ ઈન્સ્પેક્ટર એન.એસ. ઘેટિયા, પોલીસ સબ ઈન્સ્પેક્ટર સી.એસ. સોંદરવા અને સર્વેલન્સ સ્ટાફના માણસો જોડાયા હતા. આગળની તપાસ હેડ કોન્સ્ટેબલ ડી.એ. વાઘડીયા ચલાવી રહ્યા છે