ભાવનગર જિલ્લાના પાલીતાણામાં રાષ્ટ્રીય દલિત અધિકાર મંચ દ્વારા થોરાળી ગામના બે ગ્રામ પંચાયત સભ્યો વિરુદ્ધ કડક કાર્યવાહી કરવા માટે ડેપ્યુટી કલેક્ટરને આવેદનપત્ર આપવામાં આવ્યું છે.

   રજૂઆતમાં જણાવ્યા અનુસાર, સભ્ય નિરાલીબેન મકવાણાને ત્રણ બાળકો હોવાથી ગુજરાત પંચાયત ધારા મુજબ તેમનું સભ્યપદ રદ કરવા માંગ કરાઈ છે. આ ઉપરાંત, અન્ય એક સભ્ય મંજુબેન વાઘેલાના ઘરે પંચાયતના નિયમ મુજબ શૌચાલયની સુવિધા ન હોવાથી તેમને પણ ગેરલાયક ઠેરવવા રજૂઆત કરવામાં આવી છે. દલિત સમાજના આગેવાનો અને મંચના હોદ્દેદારોની હાજરીમાં આ આવેદન આપી તાત્કાલિક ધોરણે યોગ્ય તપાસ કરી સભ્યપદ રદ કરવાની માંગણી દોહરાવવામાં આવી છે.