કચ્છના ખાવડા વિસ્તારમાં આવેલા પ્રણવનગર નજીક કોલીવાસમાં ગઈકાલે રાત્રે એક ભયાનક વિસ્ફોટની ઘટના બની હતી. આ દુર્ઘટનામાં 8 વર્ષીય બાળક ભાવેશ અરવિંદભાઈ કોલીનું સારવાર દરમિયાન મોત નીપજ્યું છે. વણફૂટેલો જીવંત સેલ રમકડા જેવી વસ્તુ સમજીને ઘરે લાવવું બાળકના પરિવાર માટે માતમનું કારણ બન્યું છે. 8 વર્ષીય ભાવેશ નજીકમાં આવેલી ફાયરિંગ બટ રેન્જ (જ્યાં સુરક્ષા દળો દ્વારા પ્રેક્ટિસ કરવામાં આવે છે) માંથી એક વણફૂટેલો સેલ ઘરે લઈ આવ્યો હતો.