( પ્રવિણ વ્યાસ દ્વારા ) મોરબી શહેરના મીઠાઈ ફરસાણના વેપારીઓ તેમજ હોટલ- રેસ્ટોરન્ટમાં ખાદ્ય પદાર્થનું નિરીક્ષણ કર્યું હતું દરમિયાન ૧૭ મીઠાઈ-ફરસાણ વેપારીઓ ઉપરાંત હોટેલ-રેસ્ટોરન્ટને નોટીસ આપવામાં આવી હતી.

     મોરબી મહાનગરપાલિકાની ફુડ શાખા દ્વારા શહેરમાં મીઠાઈ- ફરસાણાના ધંધાર્થી હોટલ રેસ્ટોરન્ટ સહિત ૨૯ સ્થળોએ ફૂડ સેફ્ટી ઇન્સ્પેક્ટરે વિઝીટ કરી હતી જે વિઝીટ દરમિયાન  લાઇસન્સ, અખાદ્ય સામગ્રી,  સહિતની બાબતોની તકેદારી ન રાખનાર ૧૭ દુકાન ધારકોને નોટિસ પાઠવી હતી ફૂડ સેફટી ઇન્સ્પેક્ટરની વિઝીટ દરમિયાન ભક્તિનગર સર્કલ વિસ્તારમાં આવેલ વિરાટ પાંવભાજી એન્ડ ચાઈનીઝ માં અખાદ્ય કલરના 3 લીટર જથ્થાનો નાશ કરાયો હતો.
   ધ ચોકલેટ રૂમ અને ભોલે બાબા ડેરી ફાર્મમાંથી ૨ લીટર જેટલા અખાદ્ય કલરનો નાશ કરાયો હતો, મોરબી મહાનગરપાલિકાની ફુડ શાખાએ ફૂડ ચેકિંગ તથા નિરીક્ષણ કામગીરી દરમિયાન કુલ ૫ લીટર અખાદ્ય કલરના જથ્થાનો નાશ કર્યો હતો. મોરબી મનપાની ફુડ શાખા દ્વારા લાયસન્સ ચેકિંગ કામગીરી અને હોટલ રેસ્ટોરન્ટના ધંધાર્થીઓને ત્યાં સ્વચ્છતા સહિતનું ઇન્સ્પેક્શન કરવામાં આવ્યું હતું.