રાજકોટ તા. ૪: લોધીકાના ખાંભા ગામે રહેતાં અને અહિની રફતાર એગ્રો ખાતે નોકરી કરતાં પ્રદિપ વિશ્વનાથ દંત (ઉ.વ.૨૫) નામના મુળ પﾍમિ બંગાળના યુવાનને રાતે નવેક વાગ્‍યે કંપની નજીક રૂમમાં હતો ત્‍યારે તેના રૂમ પાર્ટનર મુળ બંગાળના રોહને ઝઘડો કરી છરીથી હુમલો કરી છાતી, પડખામાં પાંચેક ઘા ઝીંકી દેતાં ગંભીર ઇજા થતાં સારવાર માટે રાજકોટ સિવિલ હોસ્‍પિટલમાં ખસેડાયો છે.

પ્રદિપે જણાવ્‍યું હતું કે હું બંગાળથી ગયા મહિને જ અહિ કામ કરવા આવ્‍યો છું. મારી સાથે રૂમ પાર્ટનર તરીકે બંગાળનો જ રોહન રહે છે. મારા રૂમમાં મેં રાખેલા રૂા. ૨૦૦ ગાયબ થઇ જતાં આ બાબતે રૂમ પાર્ટનર રોહનને પુછતાં તેણે ગાળો દેતાં મેં તેને ગાળો બોલવાની ના પાડતાં છરીથી હુમલો કર્યો હતો.

હોસ્‍પિટલ ચોકીના રામશીભાઇ વરૂ, અમૃતભાઇ મકવાણા, યુવરાજસિંહ પરમાર, ધર્મેન્‍દ્રભાઇ, રવિભાઇ, પ્રતાપભાઇએ જાણ કરતાં શાપર પોલીસે તપાસ હાથ ધરી છે. હુમલામાં ઘાયલ પ્રદિપ બે ભાઇમાં નાનો છે અને કુંવારો છે.