વઢવાણ, લખતર-વઢવાણ હાઇવે પર ઝમર અને કોઠારીયા ગામો વચ્‍ચે આવેલા રીમટેક્‍સ જીન પાસે અકસ્‍માત થયો હતો. એક હોન્‍ડા સિટી કારના ચાલકે કોઈ અગમ્‍ય કારણોસર સ્‍ટિયરિંગ પરનો કાબૂ ગુમાવ્‍યો હતો, જેના કારણે કાર રોડ કિનારે આવેલી ગટરમાં ઉતરી ગઈ હતી. અકસ્‍માતને પગલે હાઇવે પર થોડા સમય માટે ટ્રાફિક જામના દ્રશ્‍યો સર્જાયા હતા. ત્‍યાંથી પસાર થતા રાહદારીઓએ તાત્‍કાલિક કારચાલકને કારમાંથી બહાર કાઢયો હતો અને ૧૦૮ એમ્‍બ્‍યુલન્‍સ મારફતે સુરેન્‍દ્રનગરની હોસ્‍પિટલ ખાતે વધુ સારવાર માટે મોકલી આપ્‍યો હતો.