રાજકોટ તા. ૨૧: શાપર વેરાવળમાં સર્વોદય સોસાયટીમાં રહેતી સુશીલા ઓમપ્રકાશ ચોૈહાણ (ઉ.વ.૨૫)એ સાંજે ઘરે એસિડ પી આપઘાતનો પ્રયાસ કરતાં સારવાર માટે રાજકોટ સિવિલ હોસ્‍પિટલમાં ખસેડવામાં આવી છે.

સુશિલાનો પતિ ઓમપ્રકાશ કંપનીમાં સીએનસી ઓપરેટર તરીકે કામ કરે છે. મુળ યુપીના ઓમપ્રકાશે કહ્યું હતું કે તેણી અને સુશિલાએ છ મહિના પહેલા લવમેરેજ કર્યા  છે.

હાલ સુશિલાના પેટમાં બે માસનો ગર્ભ છે. તેણી લવમેરેજ કરીને આવી હોઇ જેથી તેના માવતર તેની સાથે ફોનમાં વાત ન કરતાં હોઇ આ બાબતનું માઠુ લાગતાં તેણે આ પગલુ ભર્યુ છે. હોસ્‍પિટલ ચોકીના સ્‍ટાફે જાણ કરતાં શાપર પોલીસે વધુ તપાસ હાથ ધરી છે.