રાજકોટ, તા., ૧: રાજકોટ સહિત સૌરાષ્‍ટ્ર-કચ્‍છમાં છેલ્લા થોડા દિવસોથી વાતાવરણમાં પલ્‍ટા સાથે કમોસમી વરસાદ પડયો હતો. જો કે આજે સવારથી વાતાવરણમાં ફેરફાર થયો છે અને સવારે સુર્ય નારાયણે દર્શન દીધા હતા અને ધૂપ-છાંવવાળુ વાતાવરણ છવાયેલું છે.

આજે રાજકોટ-ભાવનગર  ઉપર આવેલા અમરેલી, ચિતલ, બાબરા સહિતના વિસ્‍તારોમાં વાદળછાયા વાતાવરણ વચ્‍ચે હળવો-ભારે વરસાદ વરસી જાય છે. અમરેલીમાં આજે બપોરે એક બાજુ તડકો અને બીજી બાજુ વરસાદ વરસી રહયો હતો. જો કે આ વરસાદનું જોર થોડુ ઓછુ હતું.