જામનગરઃ જામનગરના પ્રણામી સ્‍કૂલના ગ્રાઉન્‍ડની બાજુમાં આવેલ પ્રણામી સંપ્રદાયની વાડીમાં ઊભા કરાયેલા જલારામનગર ખાતે લોહાણા મહાજન દ્વારા પૂ.જલારામ બાપાની જન્‍મ જયંતી નિમિત્તે માસ્‍તન (બ્રહ્મ ) ભોજન કરાવવામાં આવ્‍યું હતું. આ પ્રસંગે લોહાણા મહાજનના ગુજરાતના પ્રમુખ જીતુભાઈ લાલ, જામનગર લોહાણા મહાજનના પ્રમુખ ભરતભાઈ મોદી ઉપરાંત લોહાણા સમાજના અગ્રણીઓ અને જલારામ જયંતિ મહોત્‍સવ સમિતિના અગ્રણીઓએ જલારામ બાપાની આરતી ઉતારી હતી. આ પ્રસંગે લોહાણા મહાજન સમાજ માટે થેલેસેમીયા ટેસ્‍ટનું પણ આયોજન કરવામાં આવ્‍યું હતું. (અહેવાલઃ મુકુંદ બદિયાણી, તસવીરઃ કિંજલ કારસરીયા, જામનગર)