(મુકુંદ બદિયાણી દ્વારા)જામનગર તા.31 : જામનગરના વિશ્ર્વ પ્રસિઘ્ધ શ્રી બાલા હનુમાન સંકિર્તન મંદિરમાં 61 વર્ષથી અખંડ રામધુન ચાલી રહી છે. આ અખંડ રામ નામ જાપ તા.1-8-25ના પાવન દિવસે 61 વર્ષ પૂર્ણ કરી 62માં વર્ષમાં મગંલ પ્રવેશ કરશે. આ અવસરે આવતીકાલે ઉત્સવ મનાવવામાં આવશે. જેમાં સંઘ્યા આરતી 7-30  સાથે 51 દિવાની મહાઆરતી થશે.

          આ અખંડ રામધુનનો મંગલમય પ્રારંભ શ્રી પ્રેમભિક્ષુજી મહારાજે તા.1-8-64ના રોજ કર્યો હતો, તે પછી આજદિન સુધી રામધુન અવિરત રહી છે. ગમે તેવા સંજોગો હોય ભુકંપ, વાવાઝોડુ, કોરોના જેવી મહામારીમાં પણ આ અખંડ રામધુન બંધ રહી નથી. અહીં દેશ-વિદેશથી પણ હજારો શ્રઘ્ધાળુઓ દર્શનાર્થે પધારે છે.