તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
કાલે બગદાણા પૂ. બજરંગદાસબાપાની તપોભૂમિમાં ગુરૂપૂર્ણિમા મહોત્સવ
સવારે પ વાગ્યે મંગલા આરતી ત્યારબાદ ધ્વજારોહણ, ગુરૂપૂજન, રાજભોગ આરતી, પ્રસાદ વિતરણ સહિતના કાર્યક્રમો
(મેઘના વિપુલ હિરાણી દ્વારા) ભાવનગર, તા.૯: ગોહિલવાડના સુપ્રસિધ્ધ તીર્થ સ્થાન પૂજ્ય સંતશ્રી બજરંગદાસ બાપાની તપોભૂમિ બગદાણા તા.મહુવા ખાતે ગુરુપૂર્ણિમા મહોત્સવ આગામી તા.૧૦ જુલાઈને ગુરુવારે ધર્મમય માહોલ વચ્ચે ધામધૂમથી ઉજવવામાં આવશે.
છેલ્લા કેટલાય દિવસોથી બંડીધારી બાપાના ગુરૂઆશ્રમ ખાતે ચાલી રહેલી તૈયારીઓને આખરી ઓપ આપવામાં આવી રહ્યો છે.
સવારના પાંચ કલાકે મંગલા આરતી થશે. ત્યારબાદ ધ્વજા પૂજન અને ધજારોહાણ સાત કલાકથી થશે. ગુરુપૂજન ૮:૩૦ થી ૯:૩૦ કલાક વચ્ચે જ્યારે રાજભોગ આરતી, ૯:૩૦ થી ૧૦ કલાકે થશે. ત્યારબાદ સવારે ૧૦ વાગ્યાથી પ્રસાદ વિતરણ શરૂ થશે.
મહિમા પૂર્ણ ગુરુપૂર્ણિમાના દિવસે આશરે ૧ લાખથી પણ વધારે ભાવિકજનો બાપાના ચરણોમાં શીશ નમાવશે. અહીં આ તૈયારીઓને માટે તેમજ સુચારૂ વ્યવસ્થાના ભાગરૂપે તમામ આગોતરી વ્યવસ્થાઓ કરવામાં આવી છે. અહીં રસોડા વિભાગમાં તેમજ અન્ય ચા-પાણી, દર્શન, ર્પાકિંગ, સુરક્ષા જેવા વિભાગોમાં આશરે ૧૦૦ ગામોના ૪૦૦૦ ભાઈઓ, તેમજ ૨૫ થી વધુ ગામોના ૨૫૦૦ ઉપરાંત બહેનો સેવા આપશે. રસોડા સહિતના સેવા કાર્યો માટે આજુબાજુના ગામોના ૪૦ ટ્રેક્ટર પણ સેવામાં જોડાશે. ભોજન વ્યવસ્થામાં નવા રસોડે બહેનો માટે તેમજ ગોપાલગ્રામ ખાતે ભાઈઓને પ્રસાદ જમવાની વ્યવસ્થા ગોઠવવામાં આવી છે.
આગોતરી વ્યવસ્થાના ભાગરૂપે સરકારી વિભાગો સાથે પણ કાર્ય સંકલન માટે અલગ અલગ સરકારી વિભાગો સેવા કે પાણી પુરવઠા, માર્ગ અને મકાન, આરોગ્ય, વીજળી, પોલીસ વગેરે વિભાગોના અધિકારીઓ સાથે સોમવારે એક મીટીંગ યોજાઇ હતી.
પોલીસ વિભાગ દ્વારા અહીં ચુસ્ત બંદોબસ્ત રહેશે. આ દિવસે પી.આઈ અને પીએસઆઇ ૬, પોલીસ ૧૫૦, હોમગાર્ડ ૧૦૦ બંદોબસ્તમાં ફરજ બજાવશે.
રાજ્ય પરિવહન નિગમની ખાસ એસટી બસ ભાવનગર, તળાજા, મહુવા, પાલીતાણા ડેપો તરફથી બગદાણા સુધી દોડાવવામાં આવશે.
૧૦૮ તેમજ એમ્બ્યુલન્સ વાહનો અહીં સતત સ્ટેન્ડ બાય રહેશે. ઉપરાંત બગદાણા CHC અને બેલમપર phc આરોગ્ય કેન્દ્રો દ્વારા પ્રાથમિક સારવાર માટે ખાસ વ્યવસ્થા ઉભી કરવામાં આવી છે.
ગુરુ પ્રત્યે કળતજ્ઞતા વ્યક્ત કરવાના આ ધન્ય અવસરે મોટી સંખ્યામાં પ્રતિવર્ષ ભક્તજનો ઉપસ્થિત રહે છે.ત્યારે રસોડા - ભોજનશાળા ખાતે શુધ્ધ ઘીના લાડુનો ૧૦૦૦ મણ પ્રસાદ સહિત ૫૦૦ મણ ગાંઠિયા, દાળ ૧૫૦ મણ, ભાત ૨૦૦ મણ, રોટલી ૨૫૦ મણ તેમજ ૫૦૦ મણ શાકભાજી તૈયાર કરશે.(૬.૭)
(10:52 AM IST)
છેલ્લા 8 દિવસમાં સૌથી લોકપ્રિય 
